E16 og Vossebanen Arna–Stanghelle
Prosjektet vil gi ny, raskare og tryggare veg- og jernbane mellom Arna og Stanghelle. Forventa byggeoppstart er 2024.
Statens vegvesen og Bane NOR har gjennom fellesprosjektet E16 og Vossebanen Arna–Stanghelle fått i oppdrag å lage ei ny løysing for veg og bane som er tryggare, raskare og meir føreseieleg.
Reguleringsplanen lå på høyring i perioden frem til 17.09.2021.
Arna-Stanghelle-Voss er ein viktig del av hovudkorridoren for transport mellom Bergen og Oslo, både på veg og på jernbane. I dag er veg- og jernbanestrekninga prega av låg standard, tunnelar med stort behov for vedlikehald og oppgraderingar, og skredutsette område. Det gir ein lite effektiv og føreseieleg reiseveg for trafikantar og næringsliv og store kostandar for samfunnet. I tillegg er det mange trafikkulukker. Hovudproblemet er særleg dei mange alvorlege møteulukkene.
Ein ny E16 og Vossebanen Arna-Stanghelle skal gi auka trafikktryggleik, føreseieleg transport, auka kapasitet for gods på bane og redusert reisetid.
Prosjektet er i gang med statleg reguleringsplan.
- Planen vart lagt ut på høyring i juni 2021 etter vedtak i Kommunal- og moderniseringsdepartementet (KMD). Frist for merknadar var 17.09.21.
- Det er forventa eit planvedtak frå KMD 1. kvartal 2022.
- Med godkjent reguleringsplan 1. kvartal 2022, prioritering av prosjektet i NTP 2022-33 og nødvendige løyvingar, er det mogleg med byggestart i 2024.
Under kan du sjå korleis veg og bane vil sjå ut med ny løysning.
- Veg:
- E16
- Fase:
- Planfase
- Kommunar:
- Vaksdal, Bergen
- Fylker:
- Vestland
- Nasjonal transportplan:
- Omtalt i NTP 2022–2033
- Totalkostnad:
- 26,40 milliarder. 13,7 mrd. til veg og 12,7 mrd. til bane
Kontaktar
Hans-Egil Larsen BaneNOR
- Telefon:
- 474 76 616
- E-post:
- larsha@banenor
