E39 Ådland-Svegatjørn (Stord-Os)

Det prosjektutløysande behovet i denne konseptvalutgreiinga var redusert reisetid for å utvikle landsdelen og knyte Stavanger- og Bergensområdet betre saman. Ferjefrie løysingar vart vurderte i tillegg til innkorta ferjestrekning med betra frekvens.

Samfunnsmålet som låg til grunn for utgreiinga var: “Haugalandet og Sunnhordland skal i 2040 vere tidsmessig knytt nærare saman med Midthordland. Stavanger‐ og Bergensområdet skal i 2040 vere tidsmessig knytt nærare saman.” 

KVU-en for E39 Aksdal – Bergen vart lagd fram i juni 2011, og arbeidet vart avslutta med tilleggsutgreiing i februar 2013. 

I brev datert 20.12.2013 bad Samferdsledepartementet Vegdirektoratet legge til rette for statleg planlegging på nivå med kommunedelplan for strekninga Stord – Os med bru over Bjørnafjorden mellom Tysnes og Os.

Les KVU-en her.

Samferdsledepartementet gav Statens vegvesen (brev datert 20.12.2013) oppdrag med vidare planlegging:

• "K4C Midtre linje skal legges til grunn for fremtidig E39 mellom Aksdal og Bergen. E39 skal krysse Bjørnafjorden med bru mellom Tysnes og Os.
• Prosjektet skal planlegges etter statlig plan etter plan og bygningsloven (pbl.) på det nivå der konkrete traser fastsettes, dvs. kommunedelplan. Det tas senere stilling til om det også er behov for statlig plan på neste plannivå (reguleringsplan).
• Det blir startet planlegging etter pbl i tråd med dette.
• Prosessen videre skal legge til rette for å redusere konflikt og uheldige virkninger for natur og kulturminner. Det legges til grunn en god dialog med lokale myndigheter."

Kommunal- og moderniseringsdepartementet vedtok 5. september 2019 den statlege kommunedelplanen for E39 Stord-Os med alternativ F (sørleg kryssing av Langenuen) som traseløysing. 

Traséen som blir vedteke krysser Bjørnarfjorden mellom Røtinga og Reksteren. Traséen føl så vestre side av Reksteren og Tysnesøya ned til Søreid, før den går til Hodnanes og krysser Langenuen i sør med bru. På Stord fortset vegen ned til Ådland.

I konklusjonen knytt til vedtaket, gir Kommunal- og moderniseringsdepartementet føringar for det vidare arbeidet med reguleringsplanen. Dei skriv:

«Begrunnelsen for valget av alternativ F er at dette støttes av flertallet av kommunene og av fylkeskommunen, samtidig som forskjellene mellom alternativ B og F vurderes å være begrensede når det gjelder nasjonale interesser.

Det skal i arbeidet med reguleringsplan legges vekt på ytterligere å begrense inngrep i verdifull natur. Det vises også til retningslinjer til planen datert 10. februar 2019, hvor det er gitt føringer om dette, og til omtale av videre arbeid i planbeskrivelsen. Det forventes at Statens vegvesen samarbeider tett med Fylkesmannen i Hordaland for å identifisere tiltak som kan begrense negative miljøvirkninger av tiltaket.

Økologisk kompensasjon skal utredes og vurderes. Det legges til grunn at det blir gitt en bestilling fra Samferdselsdepartementet om et slikt arbeid.

Det planlegges ikke for senketunnel under Bårdsundet.»

I september 2023 fastsette Kommunal- og distriktsdepartementet (KDD)  planprogrammet for reguleringsplanen.

Planprogrammet er "kokeboka" korleis Statens vegvesen skal planlegge strekninga. 

Planprogrammet skal klargjera formålet med planarbeidet og avklare rammer og premisser for den vidare prosessen. Oversikt over kva tema og problemstillingar som bør løysast i planarbeidet, opplegg for informasjon og medverknad, og kva for alternativ som skal undersøkjast, skal gå fram av planprogrammet.

Når Kommunal- og distriktsdepartementet (KDD) fastset planprogrammet, godkjenner dei kva som skal ligge til grunn når den nye vegen skal planleggast.

Denne bestillinga er førande for heile planlegginga heilt fram til reguleringsplanen blir lagt ut på høyring. 

I april 2025 sende Statens vegvesen forslag til statleg reguleringsplan for E39 Ådland-Svegatjørn, også kjent som Stord-Os eller Hordfast, til Samferdselsdepartementet (SD). SD sendte forslaget vidare til Kommunal- og distriktsdepartementet (KDD) sommaren 2025.

Det er KDD som bestemmer om og når reguleringsplanen skal sendast på høyring og offentelg ettersyn. Statens vegvesen avventar tilbakemelding frå departementet om vegvesenet skal bistå med å sende planen ut på høyring.