Endring av forskrift om mellombelse auka bompengetakstar i Bergen (25-324258-7)
- Høyringsfrist:
- 01.10.2026
- Publisert:
- 08.07.2026
- Referanse:
- 25-324258-7
Høyringa gjeld framlegg til endring i forskrift 16. desember 2016 nr. 1594 om mellombels auka bompengetakstar for Bergen kommune i Vestland.
Det er føreslått at tittelen på forskrifta blir endra til «forskrift om mellombels endra bompengetakstar, Bergen kommune, Vestland» (sjå punkt 1.3).
Føremålet med endringane er større rettsleg klarleik, samt å gjere det enklare å sikre at prosedyrane er i samsvar med anna regelverk og inngåtte bompenge- og finansieringsavtalar.
Vidare er hensikta å sikre at lokale styresmakter har eit verktøy som kan nyttast ved behov for å setje i verk tiltak mot høg luftforureining etter forureiningslova § 9 og forureiningsforskrifta kapittel 7. Framlegget inneber presiseringar og enkelte materielle endringar, og er meir ei tydeleggjering av gjeldande regelverk og førearbeida til veglova § 27 tredje ledd.
Endringane skal og sikre at forskrifta er i samsvar med intensjonen til lovgjevar og dei endringane som er gjorde i veglova § 27 tredje ledd etter at forskrifta tredde i kraft, jf. Prop. 82 L (2016–2017).