Høyring om regelverksendringar knytte til nytt løyveregister for gods- og persontransport (24-296783-9)
- Høyringsfrist:
- 10.10.2026
- Publisert:
- 09.07.2026
- Referanse:
- 24-296783-9
Forslag til regelverksendringar som skal leggje til rette for eit nytt nasjonalt løyveregister og ei meir effektiv og digital forvalting av transportløyve.
Høyringsnotatet inneheld forslag til endringar i yrkestransportlova, yrkestransportforskrifta og forskrift om gebyr for visse overtredingar av yrkestransportregelverket.
Forslaga legg til rette for etablering av eit felles nasjonalt elektronisk løyveregister for Statens vegvesen og fylkeskommunane, med heimlar for registrering, utveksling og handsaming av opplysningar. Vidare vert det føreslått nye reglar om tilgangsstyring, integrasjon med andre offentlege register, registrering av køyretøy i løyveregisteret, gebyr for dispensasjonar og enkelte endringar i løyveforvaltinga.
Målet er å leggje til rette for ei meir effektiv, digital og einsarta forvalting av transportløyve, samstundes som omsynet til personvern, kontroll og internasjonale forpliktingar vert ivareteke.