Tilrettelagd teoriprøve

Før du søkjer om tilrettelegging

• Du må ha søkt om førarkort først. Det gjer du på Di side.
• Du må ha dokumentasjon som viser at du treng støtte for å gjennomføre ei teoriprøve. Dokumentasjonen kan vere frå fastlegen, logoped, pp-tenesta, ein lærar eller andre som kan uttale seg om dette.
• Har du tidlegare fått innvilga tilrettelagd teoriprøve? Du treng ikkje søkje på nytt dersom du skal utvide førarkortet til ein ny klasse.

Søk om tilrettelagd teoriprøve

Logg inn for å søkje

Kven passar dette for?

Tilrettelagd teoriprøve er for deg som treng ekstra støtte for å gjennomføre teoriprøva. Dette kan til dømes vere fordi du har lese- og skrivevanskar eller ADHD. Du må ha dokumentasjon som viser at du treng støtte for å gjennomføre ei teoriprøve. 

Sjå også: Tilrettelagd teoriprøve med tolk.

Slik går prøva føre seg

Ved ei tilrettelagd teoriprøve sit du saman med ein sensor i eit eige rom og tar prøva munnleg. Prøva vil bli tilpassa til deg og dei behova du har, men målet er at sensor skal hjelpe deg å forstå spørsmåla og svaralternativa.  

Teoriprøva på engelsk

Enkelte trafikkstasjonar tilbyr tilrettelagd teoriprøve på engelsk. Finn du ikkje den lokale trafikkstasjonen din på lista, men treng å ta prøva på engelsk, kan du søkje om tilrettelagd teori med tolk.

Trafikkstasjonar i aust

Trafikkstasjonar i sør

Trafikkstasjonar i midt

Trafikkstasjonar i vest

Trafikkstasjonar i nord

Kan du ikkje søkje digitalt?

Dersom søknaden gjeld ADR, drosje eller utrykking kan du ikke søkje på Di side. Du må søkje ved å fylle ut eit søknadsskjema på papir og sende det via post. Ikkje send søknaden til oss på e-post, sidan han inneheld sensitive opplysningar om deg.

Fyll ut søknadsskjemaet

• Søknad om tilrettelagd teoriprøve (PDF)

Send søknaden til Statens vegvesen

Fyll ut søknadsskjemaet, og send det saman med dokumentasjon til:

Statens vegvesen
Postboks 1010 Nordre Ål
2605 Lillehammer