Høyring og offentleg ettersyn for detaljreguleringsplan for E134 Grisesvingen-Tomatsvingen
Forslag til detaljregulering E134 Grisesvingen-Tomatsvingen blir no lagt ut til høyring og offentleg ettersyn i perioden 6. november til 19. desember.
Statens vegvesen legg i samsvar med plan- og bygningslova §12-10 og §3-7 forslag til detaljreguleringsplan for E134 Grisevingen – Tomatsvingen i Hjartdal kommune ut på høyring og offentleg ettersyn.
Planområdet omfattar ein strekning på ca. 1,5 km.
Målet med planarbeidet er utbetring av veg i tråd med nullvisjonen, auka trafikktryggleik for alle trafikantgrupper, påliteleg, effektiv og sikker framkomme for gods og andre køyretøy på veg og reduksjon av klimagassutslepp.
Plandokumenta til E134 Grisesvingen-Tomatsvingen finn du her.
Frist for merknader
Planforslaget vil liggja ute til høyring og offentleg ettersyn i perioden 6. november til
19. desember.
Eventuelle merknader til planarbeidet må seinast innan 19. desember sendast skriftleg til:
- Statens vegvesen, postboks 1010 Nordre Ål, 2605 Lillehammer eller til
- firmapost@vegvesen.no
Merk innspelet med sak nr. 24/141627.
Spørsmål?
Har du spørsmål til planarbeidet kan du kontakte Statens vegvesen ved planleggingsleiar Tone-Lill Hall på mobil 909 22 109 eller på e-post: tone-lill.pedersen@vegvesen.no