E6 Láđđonjárga-Myrland - Dieđáhus regulerenplána álggaheami ja plánaprográmma gulaskuddama birra
Stáhta geaidnodoaimmahat dieđiha E6 Láđđonjárgga-Myrland plánabarggu álggaheami ja plánaprográmma gulaskuddama.
Dat dahkkojuvvo ovttasráđiid Gáivuona ja Ráissa suohkaniiguin, ja mii bivdit cealkámušaid plána álggaheapmái ja plánaprográmmii.
E6 Dálusvákki-Langslett prošeavtta čilgehus
Dárbu mii vuolggahii prošeavtta lea buoridit rámmaeavttuid vai fievrrideapmi ja johtolatsihkarvuohta šaddá beaktileabbo. Davvi-Romssas galgá leat nanu geaidnofierpmádat mii dahká vejolažžan geavahit modulaoppatráilara ja addá einnostahtti mátkkoštanáiggi.
Prošeakta gullá dálá Nationála fievrridanplána (NFP) vuosttaš 6-jagi áigodahkii ja Stáhta geaidnodoaimmahat bargá danin reguleret máŋga vuoruhuvvon oassegaskkaid E6:s Davvi-Romssas.
Olles geaidnoprošeavtta ekonomalaš rámma Nationála fievrridanplánas lea biddjon 1,6 miljárdda jagi 2024 ruvdnui, ja dát ruđat galget geavahuvvot alimusat vuoruhuvvon doaibmabijuide. E6 Dálusvákki-Langslett prošeakta lea danne juhkkojuvvon njeallje oassegaskkaide. E6 Láđđonjárga-Myrland lea nubbi alladit vuoruhuvvon oassegaska.
Oasseprošeakta E6 Láđđonjárga-Myrland
Geaidnogaska ođasmahttojuvvo heajos mohkkaseami ja goagŋuma geažil. Otná Hástalusat leat čadnon beassamii Čietnjalluovtta luohkás lossa fievrruide, erenoamážit dálvet. Plánaprográmmas evttohuvvojit golbma vejolaš mannansaji mat mat galget guorahallojuvvot viidáseappot oassin regulerenplána barggus.
Oassegaskka plánaguovlu
Mii almmuhit plána álggaheami mearriduvvon guovllus, geahča kártta vuolábealde.. Mii áigut ráhkadit regulerenplána dán plánaguovllu siskkobealde. Dieđihuvvon guvlui lea váldojuvvon mielde doarvái areála goappašat bealde geainnu, vai sáhttá čielggadit vejolašvuođaid mat leat čilgejuvvon plánaprográmmas.
Gáibiduvvo váikkuhusguorahallan
Stáhta geaidnodoaimmahat lea árvvoštallan ahte doaibmabidju lea dan mađe stuoris ahte gullá Váikkuhusguorahallama láhkaásahusa vuollái (maŋŋel VG-láhkaásahus) go doaibmabijus sáhttet leat mearkkašahtti váikkuhusat birrasii ja servodahkii, vrd. Birasváikkuhusárvvoštallannjuolggadusaid § 10.
Mii áigut ráhkadit plánaprográmma §§ 13 ja 14 mielde.
VG-láhkaásahusa § 17 mielde galgá váikkuhusguorahallama sisdoallu ja viidodat heivehuvvot áigeguovdilis plánii dahje doaibmabidjui, ja leat relevánta daid mearrádusaide mat galget dahkkot. Árvvoštallan dihte mat leat relevánta fáttát maid galgá guorahallat dán geaidnoprošeavttas lea dahkkon árvvoštallan VG-njuolggadusaid § 21 mielde. Dát paragráfa addá oppalašgova dain beliin (fáktoriin) dahje fáttáin maid galgá identifiseret ja guorahallat go lea relevánta mearrideapmái.
Mii leat árvvoštallan dárbbašlažžan čađahit váikkuhusguorahallama čuovvovaš fáttáin:
- Kulturárbi
- Duovdagat
- Boazodoallu
- Olgonastin, gávpot- ja gilieallin
- Luonddugirjáivuohta oktan čáhcebirrasiin, vrd. Luonddugirjáivuođaláhka ja čáhceresursaláhka
- Dálkkádatgássaid luoitin
Loga eanet váikkuhusguorahallama láhkaásahusa árvvoštallama birra plánaprográmmas.
Plánaprográmma gulaskuddan
Plánaprográmma mii lea barggu vuođđun lea biddjon almmolaš geahčadeapmái áigodagas 25.03.2026-29.05.2026:
Dat gávdno gávdno maiddái báberhámis ráđđeviesus Dalusvákkis ja Ráissas.
Ovdáneapmi ja áigemearri buktit cealkámušaid
Mii bivdit du čálalaččat sáddet midjiide cealkámušaid plánaguovllu birra dahje eará relevánta dieđuid. Merke iežat cealkámuša áššenummariin 25/141316 ja sádde dan maŋemusat 29.05.2026 deike:
- firmapost@vegvesen.no
- dahje Stáhta geaidnodoaimmahahkii, Postboks 1010 Nordre Ål, 2605 Lillehammer.
Rabas diehtojuohkinčoahkkin
Mii doallat rabas diehtojuohkinčoahkkima prošeavtta birra 23.04.2026 diibmu 18:00-20:00 Djupvik Nordmannvik bygdehus, Lyngenfjordveien 922, 9146 Olderdalen.
Go mii leat ráhkadan evttohusa regulerenplánii, de mii lágidit ođđa rabas čoahkkima ovdanbuktit plánaevttohusa.
Ráđđádallan sámelága vuođul
Mii bivdit ahte Sámediggi ja earát geain lea ráđđádallanvuoigatvuohta, omd. boazodoalloorohat, sámi searvvit jna. addet dieđu háliidit go ráđđádallama dán áššis vai eai maŋemusat 29.05.2026.
Dálá njuolggadusat
Dát dieđáhus lea addojuvvon plána- ja huksenlága § 12-8 mielde. Plána lea ráhkaduvvon §§ 12-3 ja 3-7 mielde. Plánaprográmma biddjojuvvo gulaskuddamii plána- ja huksenlága § 4-1 ja 14-2 mielde.
Váldde minguin oktavuođa.
Jus dus leat jearaldagat plánabarggu birra, de sáhtát maid váldit oktavuođa plánajođiheddjiin Stefan Kerstingiin tlf. 75 58 61 30 dahje e-boasta stefan.kersting@vegvesen.no bokte.