Dieđáhus regulerenplána álggaheami ja gulaskuddama birra
Stáhta geaidnodoaimmahat dieđiha E6 Gáivuonorrit-Dážavággi plánabarggu álggaheami ja plánaprográmma gulaskuddama.
Dát dahkkojuvvo ovttasráđiid Gáivuona suohkaniin, ja mii dáhttut cealkámušaid plána álggaheapmái ja plánaprográmmii.
E6 Dálusvákki-Langslett prošeavtta čilgehus
Dárbu mii vuolggahii prošeavtta lea buoridit rámmaeavttuid vai fievrrideapmi ja johtolatsihkarvuohta šaddá beaktileabbo. Davvi-Romssas galgá leat nanu geaidnofierpmádat mii dahká vejolažžan geavahit modulaoppatráilara ja addá einnostahtti mátkkoštanáiggi.
Prošeakta gullá dálá Nationála feivrridanplána (NFP) vuosttaš 6-jagi áigodahkii ja Stáhta geaidnodoaimmahat bargá danin reguleret máŋga vuoruhuvvon oassegaskkaid E6:s Davvi-Romssas.
Olles geaidnoprošeavtta ekonomalaš rámma Nationála fievrridanplánas lea biddjon 1,6 miljárdda jagi 2024 ruvdui, ja dát ruđat galget geavahuvvot alimusat vuoruhuvvon doaibmabijuide. E6 Dálusvággi-Langslett prošeakta lea danin juhkkojuvvon njeallje oassegaskkaide. E6 Gáivuonorrit-Dážavággi lea vuosttaš alladit vuoruhuvvon oassegaska.
Oasseprošeakta E6 Gáivuonorrit-Dážavággi
Geaidnogaska Gáivuonorrit ja dážavákki gaskkas ođasmahttojuvvo heajos mohkkaseami, goarguma geažil ja muhtun sajiin lea geaidnu hui seaggi. Dát dagaha hástalusaid lossa fievrruid manahahttivuhtii erenoamážit dálvet. Ekonomalaš rámmaid geažil mat lea addojuvvon riikkaidgaskasaš fievrridanplánas, fertet mii ráddjet regulerenplána viidodaga dohko gos doaibmabijut leat erenoamáš dárbbašlaččat.
Oassegaskka plánaguovlu
Mii almmuhit plána álggaheami mearriduvvon guovlluin, geahča kártta vuolábealde. Mii galgat ráhkadit regulerenplána dán guovllu siskkobealde. Dieđihuvvon guvlui lea váldojuvvon mielde doarvái areála goappašat bealde geainnu, vai sáhttá divvut dálá geainnu dárbbu mielde, ásahit tunealla ja eará doaibmabijuid.
Gáibiduvvo váikkuhusguorahallan
Stáhta geaidnodoaimmahat lea árvvoštallan ahte doaibmabidju lea dan mađe stuoris ahte gullá Váikkuhusguorahallama láhkaásahusa vuollái (maŋŋel VG-láhkaásahus). Dárkilaston lea sáhka 6. paragráfas, namalassii geaidno- ja ruovdegeaidnodoaibmabijut main leat badjel 750 miljovnna ruvnno investerengolut.
Mii áigut ráhkadit plánaprográmma §§ 13 ja 14 mielde.
VG-láhkaásahusa § 17 mielde galgá váikkuhusguorahallama sisdoallu ja viidodat heivehuvvot áigeguovdilis plánii dahje doaibmabidjui, ja leat relevánta daid mearrádusaide mat galget dahkkot. Árvvoštallan dihte mat leat relevánta fáttát maid galgá guorahallat dán geaidnoprošeavttas lea dahkkon árvvoštallan VG-láhkaásahusa § 21 mielde. Dát paragráfa addá oppalašgova dain beliin (fáktoriin) dahje fáttáin maid galgá identifiseret ja guorahallat go lea relevánta mearrideapmái.
Mii leat árvvoštallan dárbbašlažžan čađahit váikkuhusguorahallama čuovvovaš fáttáin:
- Kulturárbi
- Duovdagat
- Boazodoallu
- Olgonastin, gávpot- ja gilieallin
- Luonddugirjáivuohta oktan čáhcebirrasiin, vrd. Luonddugirjáivuođalága ja čáhceresursalága
- Dálkkádatgássaid luoitin
Loga eanet váikkuhusguorahallama láhkaásahusa árvvoštallama birra plánaprográmmas.
Plánaprográmma gulaskuddan
Plánaprográmma mii lea barggu vuođđun lea biddjon almmolaš geahčadeapmái áigodahkii 18.03.2026-13.05.2026
Dat gávdno gávdno maiddái báberhámis ráđđeviesus Dálusvákkis.
Ovdáneapmi ja áigemearri buktit cealkámušaid
Mii bivdit du čálalaččat sáddet midjiide cealkámušaid plánaguovllu birra dahje eará relevánta dieđuid. Merke iežat cealkámuša áššenummariin 25/141311 ja sádde dan maŋemusat 13.05.2026 deike:
- dahje Stáhta geaidnodoaimmahahkii, Postboks 1010 Nordre Ål, 2605 Lillehammer.
Rabas diehtojuohkinčoahkkin
Mii doallat rabas diehtojuohkinčoahkkima prošeavtta birra duorastaga cuoŋománu 9. beaivvi, diibmu 18:00-20:00 Dálusvákki Kulturguovddážis.
Go mii leat ráhkadan evttohusa regulerenplánii, de mii lágidit ođđa rabas čoahkkima ovdanbuktit plánaevttohusa.
Ráđđádallan sámelága vuođul
Mii bivdit ahte Sámediggi ja earát geain lea ráđđádallanvuoigatvuohta, omd. boazodoalloorohat, sámi searvvit jna. addet dieđu háliidit go ráđđádallama dán áššis dahje eai maŋemusat 13.05.2026.
Dálá njuolggadusat
Dát dieđáhus lea sáddejuvvon plána- ja huksenlága § 12-8 mielde. Plána lea ráhkaduvvon §§12-3 ja 3-7 mielde. Plánaprográmma biddjojuvvo gulaskuddamii plána- ja huksenlága § 4-1 ja 14-2 mielde.
Váldde minguin oktavuođa.
Jus dus leat jearaldagat plánabarggu birra, de sáhtát maiddái váldit oktavuođa plánajođiheddjiin Kathrine Hansseniin tlf. 48055369 (beaivet) dahje e-boastta