Gjennomslag for Hardangerbrua
Røyken sto til himmels og steinspruten gjekk i fjorden under gjennomslagssalven for tunnelen til Hardangerbrua på Vallavik.
Gjennomslaget gjekk med to salver, nærare midnatt torsdag kveld og fredag føremiddag. Tunnelopninga på Vallavik blir heilt spesiell i norsk vegbygging, med ei høgde på over 20 meter, som del av den trompetforma tunnelmunninga fram på sidespennet på brua.
Tunnelarbeidet er no i gang på båe sider av fjorden. Denne veka gjekk også første salve på det som vil bli rv. 7 for trafikken mellom Eidfjord og Hardangerbrua. Seinare i vår startar Statens vegvesen også tunneldriving på det som blir rv. 13-trafikken mellom brua og sørover i retning Kinsarvik.
Aktuelt for fylke(r):
Vestland