Stolne eller mista skilt

Stolne skilt

Mistenkjer du at nokon har stole skilta dine, melder du saka til politiet. Hugs å få med registreringsnummer og kor mange skilt som vart stolne. Du har ikkje ei gyldig politimelding før politiet har behandla meldinga og gitt deg eit referansenummer. Eit skjermbilete av at du har sendt inn meldinga til politiet, er ikkje gyldig dokumentasjon når du bestiller nye skilt.

Meld skiltet stole (politiet.no)

Mista skilt

Har du mista skiltet, må du fylle ut eit skjema og få dette stempla og signert av politiet. Hugs å få med registreringsnummer og kor mange skilt du har mista.

Skjema for melding om tap av kjennemerke (PDF)

Når politiet har registrert tap av skilt skal du levere dokumentasjonen til Statens vegvesen.

Dersom det hastar eller du framleis har det eine skiltet

Du kan levere dokumentasjonen på ein trafikkstasjon og få utlevert skilt med nytt registreringsnummer og midlertidig vognkort same dag. Nytt vognkort blir sendt i posten. Hugs å ta med deg

• dokumentasjon på at tap er registrert hos politiet
  (politimelding med referansenummer eller stempla og signert skjema)
• gyldig legitimasjon
• gjenverande skilt om du har det

Du må bestille time når du skal på ein trafikkstasjon.

Bestill time på ein trafikkstasjon

Få nye skilt sendt i posten

Dersom alle skilta er tapt, kan du velje å få nye skilt i posten ved å laste opp gyldig politimelding eller stempla og signert tapsmelding på nett.

Slik får du skilta i posten

1. Logg inn og vel «Mista eller blitt fråstolen skilt?».
2. Følg stega og last opp dokumentasjonen (politimelding med referansenummer eller stempl og signert tapsmelding).
3. Vent på at vedtaksbrevet om tap av skilt kjem i den digitale postkassa di frå Statens vegvesen.
4. Logg inn og vel «Mista eller blitt fråstolen skilt?».
5. Følg stega for å bestille nye skilt som blir sende i posten.
   Dersom du har avregistrert køyretøyet, blir du beden om å registrere det igjen for å kunne få skilta i posten.

Har du framleis det eine skiltet og ønskjer nye skilt i posten?

Dersom du har meldt tap på berre eitt av to skilt, må det andre skiltet leverast på ein trafikkstasjon. Nokon trafikkstasjonar har ei døgnopen luke der du kan levere skilt. Om ikkje, må du anten bestille time for å levere skiltet, eller sende det i posten.

Sjekk korleis du kan levere skilt ved din trafikkstasjon