Meir pengar gav ny asfalt på E6 i Saltdal

Den nye asfalten har vorte godt motteken både av lokalbefolkninga og dei som køyrer tungtransport over Saltfjellet. Vi må heilt tilbake til 90-talet då Statens vegvesen sist la eit standard slitelag med asfalt på denne vegstrekninga.

Dei siste ti åra har E6 i Saltdal fått eit tynt dekke med ny asfalt to gonger. Dette dekket var ikkje eigna til å forsterke midtoppmerkinga med eit felt som gjer at bilen ristar når hjula kryssar midtlinja på vegen.

– Arbeidet er ferdig, med unntak av forsterka midtoppmerking med romlefelt. Vinteren har komme, noko som gir utfordringar knytt til vegmerking. Me ventar derfor til våren med fresing av romlefelt og ny merking, seier kontrollingeniør Kristoffer Olofsson i Statens vegvesen.

Når arbeidet er heilt ferdig i 2024 vert det endå tryggare å køyre på dei nyasfalterte strekningane på E6 i Saltdal i Nordland.

Det har gått med 16 235 tonn asfalt til 20 kilometer europaveg. Total kostnad for arbeidet er rett under 34 millionar kroner.

Desse strekningane har fått ny asfalt