Stenging i Fløyfjelltunnelen neste helg – berre sørgåande løp

Berre sørgåande løp (mot Bergen sentrum) blir stengt, medan nordgåande løp er ope.

Arbeidet er nødvendig for å etablere brannsikker straumforsyning til naudutrusting og ventilasjon, og er eit viktig tiltak for tunnelsikkerheita. Stenginga gjeld frå klokka 17.00 fredag 8. mai til klokka 05.30 måndag 11. mai, noko Statens vegvesen varsla alt førre veke.

Slik blir trafikken påverka

¤ Sørgåande løp i Fløyfjelltunnelen (mot Bergen sentrum) blir stengt i heile perioden.

¤ Nordgåande løp (frå sentrum mot Åsane) er ope, med berre korte, mellombelse stansar natt til laurdag i samband med sprengingsarbeid.

¤ All trafikk frå nord (Åsane og Sandviken) mot Bergen sentrum eller søndre bydelar bør nytte fv. 587 Hardangervegen (Grimesvingane). Dette er hovudomkøyringsruta og den klart beste løysinga.

¤ Omkøyring via Sandviken og Bryggen er frårådd og vil føre til store køar og lang ventetid.

¤ Det vil bli sett inn trafikkvakter i sentrale kryss i Bergen sentrum og langs Grimesvingane for å styre trafikken.

– Det kjem til å bli kø. La bilen stå

Statens vegvesen oppmodar folk sterkt til å la bilen stå og bruke kollektivtransport ved reiser i og rundt Bergen sentrum denne helga. Biltrafikk vil føre til uføreseieleg framkome og lang ventetid.

Oppdatert trafikkinformasjon finst på 175.no og i appen Vegvesen trafikk.

Arbeidet er nødvendig for å sikre ein trygg og sikker Fløyfjelltunnel også i framtida.