Kontrakt signert for ny kontroll- og vektplass på Furnestreet
Det lokale Vossa-firmaet Hirth Himle AS har fått kontrakten om å byggje ny kontroll- og vektplass på Furnestreet for Fellesprosjektet Arna–Stanghelle.
Den nye kontroll- og vektplassen skal byggjast på Furnestreet, aust for Dale langs E16 i retning Voss. Arbeidet er planlagt å starte opp sommaren 2026, og er venta å vere ferdig ved årsskiftet 2027/2028.
Ny kontrollplass er nødvendig fordi dagens kontroll- og vektplass på Romslo må vike for arbeida som skal gjennomførast i samband med Fellesprosjektet Arna–Stanghelle.
Kontrakten har ein verdi på i overkant av 50 millionar kroner eksklusive meirverdiavgift. Arbeidet omfattar bygging av ny kontrollplass, trafikktilsynsbygg og nødvendig infrastruktur i grunnen. I tillegg skal det etablerast vekt for kontroll av køyretøy. Det skal og byggast natursteinsmur mot Bolstadfjorden og skredvoll. Dagens rasteplass ved Furnestreet vert stengd medan arbeida går føre seg.