E39 Heiane-Ådland/Nordre Tveita

Det prosjektutløysande behovet i denne konseptvalutgreiinga var redusert reisetid for å utvikle landsdelen og knyte Stavanger- og Bergensområdet betre saman. Ferjefrie løysingar vart vurderte i tillegg til innkorta ferjestrekning med betra frekvens.

Statens vegvesen tilrådde å gjennomføre ei tilleggsutgreiing for å vurdere om det teknisk og økonomisk var mogleg å bygge ferje mellom Tysnes og Os. I tilleggsutgreiinga vart ulike bruløysingar vurdert, og kostnader og nytte vart samanlikna med det indre alternativet via Fusa.

Konklusjonen var at det var teknisk mogleg å krysse Bjørnafjorden med bru. Dette viste seg som ei betre løysing enn veg via Fusa, både med omsyn til samfunnsøkonomi og regionale verknader. Statens vegvesen tilrådde då å gå vidare med planlegging av midtre linje, med bru over Bjørnafjorden, mellom Stord og Os.

Det vart gjennomført KS1 av den første leveransen, og dei konkluderte med ferjefri løysing med bru mellom Tysnes og Os. 

KVU-en for E39 Aksdal–Bergen vart lagd fram i juni 2011, og arbeidet vart avslutta med tilleggsutgreiing i februar 2013.

Forslaget til planprogram vart fastsett av kommunestyret til Stord kommune 12. februar 2015.

Planprogrammet avgrensa kor Statens vegvesen skal planlegge den overordna planen som fastset framtidig trasé og andre overordna prinsipp for utviklinga av E39 mellom Heiane og Ådland/Nordre Tveita.

Stord kommune vedtok 28.04.2016 alternativ 5 i kommunedelplanen, men Statens vegvesen hadde motsegn til dette alternativet grunna høgt kostnadsnivå.

Saka gjekk difor til Kommunal- og moderniseringsdepartmentet (KMD) som vedtok alternativ 4.

I etterkant av dette har Stord kommune bede Kommunal og moderniseringsdepartementet om å få vurdera andre alternativ opp mot alternativ 4, hovudsakleg alternativ 2.

Dette fordi Stord kommune oppfatter at det for enkelte omsyn kan vera lågare konfliktnivå ved alternativ 2 opp mot alternativ 4. Kommunen fekk aksept frå departementet for å vurdera alternativ 2 opp mot vedtatt kommunedelplan.

Planen byggjer i hovudsak på allereie utgreidd alternativ som var ein del av arbeidet med vedtatt kommunedelplan for E39 Heiane Ådland. Utkast til ny plan vart lagt ut til offentleg ettersyn 30.06.2024.

Det kom inn 13 merknader frå offentlege instanser og private. 

Statens vegvesen fremja motsegn til planen. Motsegnspunkta var knytt til manglande vurderingar i høve til kostnadstal og trafikkgrunnlag mellom anna.

Kommunen har hatt fleire møter med Statens vegvesen i høve til dette og det er utarbeida ein utvida grunnlagsdokumentasjon. På bakgrunn av  dette har Statens vegvesen trekt motsegna. 

I etterkant av departementets vedtak i 2016 ba Stord kommune Kommunal og moderniseringsdepartementet om å få vurdera andre alternativ opp mot alternativ 4, hovudsakleg alternativ 2.

Dette fordi Stord kommune oppfatter at det for enkelte omsyn kan vera lågare konfliktnivå ved alternativ 2 opp mot alternativ 4. Kommunen fekk aksept frå departementet for å vurdera alternativ 2 opp mot vedtatt kommunedelplan.

Stord kommune vedtok 27. mars 2025 kommunedelplan for E39 Heiane – Ådland for alternativ 2. Dette erstatter gjeldande plan som regulerar alternativ 4.