Øvingskøyring med personbil og tilhengjar (B 96 og BE)
Du må vere 16 år for å øvingskøyre med personbil og tilhengjar. Du bør òg ha førarkort i klasse B eller ha gjennomført opplæring i klasse B.
Den som er med deg
- må ha fylt 25 år
- må ha hatt førarkort i same klasse som du øvingskøyrer i, samanhengande dei siste 5 åra
Informasjon til deg som er følgjeperson
- Bilen
- må høyre til klasse B med tillaten totalvekt på høgst 3 500 kg
- må ha speglar som gir godt utsyn bakover
Tilhengjaren
- må ha totalvekt som ikkje er høgare enn det som er fastsett i vognkortet for bilen
Speglar
Minst éin spegel skal gi eit slikt synsfelt at du ser sida på tilhengjaren.
Når tilhengjaren er like brei eller breiare enn bilen, skal du kunne sjå
- sida på tilhengjaren i begge speglane
- køyrebanen på venstre side 10 meter bak deg i ei breidde på minst 2,5 meter
- køyrebanen på høgre side bak deg i ei breidde på minst 2,0 meter