E39 Søgne – Ålgård (KVU)
Konseptvalutgreiinga vurderte løysingar for den framtidige transporten på strekninga E39 Søgne – Ålgård.
Samfunnsmålet var: “I 2040 skal transportetterspørselen mellom Søgne og Ålgård handterast effektivt og føreseieleg, og med vesentleg færre alvorlege ulykker enn i dag.”
Avklaring frå Samferdsledepartementet
Statens vegvesen fekk 13.03.2013 i oppdrag å starte arbeidet med statleg kommunedelplan. Nye vegar har seinare fått ansvaret for denne strekninga.
KVU-oppdraget
Samferdsledepartementet gav i brev 28.09.2010 Statens vegvesen mandat for gjennomføring av KVU Søgne – Ålgård, og rapporten var ferdig i mai 2011.
Tilråding
Statens vegvesen tilrådde at Midtrekkverkskonseptet skulle leggast til grunn for vidare planlegging. I det første oppdraget frå SD låg dette til grunn, men i 2014 kom det avklaring om å planlegge fire-felts motorveg.
Bakgrunn for tilrådinga
Med stor vekst i folketal og arbeidsplassar på Nord Jæren og i Kristiansand-regionen, er E39 Søgne – Ålgård ei viktig transportåre mellom desse regionane. Samtidig er den ei viktig transportåre mellom Sør-Vestlandet og kontinentet. Rogaland og Vest-Agder er landets viktigaste eksportfylke av bearbeidde varer. E39 er også ei viktig transportåre for ferske landbruksvarer frå Sør-Vestlandet til Austlandet.
Kvalitetssikring (KS1)
KS1-konsulenten støtta statens vegvesen si tilråding.