E39 Aksdal-Bergen (KVU)
KVU-en for E39 Aksdal–Bergen vart lagd fram i juni 2011, og arbeidet vart avslutta med tilleggsutgreiing i februar 2013.
I brev datert 20.12.2013 bad Samferdsledepartementet Vegdirektoratet legge til rette for statleg planlegging på nivå med kommunedelplan for strekninga Stord-Os med bru over Bjørnafjorden mellom Tysnes og Os.
KVU-oppdraget
Det prosjektutløysande behovet i denne konseptvalutgreiinga var redusert reisetid for å utvikle landsdelen og knyte Stavanger- og Bergensområdet betre saman. Ferjefrie løysingar vart vurderte i tillegg til innkorta ferjestrekning med betra frekvens.
Tilråding
Statens vegvesen tilrådde å gjennomføre ei tilleggsutgreiing for å vurdere om det teknisk og økonomisk var mogleg å bygge ferje mellom Tysnes og Os. I tilleggsutgreiinga vart ulike bruløysingar vurdert, og kostnader og nytte vart samanlikna med det indre alternativet via Fusa. Konklusjonen var at det var teknisk mogleg å krysse Bjørnafjorden med bru. Dette viste seg som ei betre løysing enn veg via Fusa, både med omsyn til samfunnsøkonomi og regionale verknader. Statens vegvesen tilrådde då å gå vidare med planlegging av midtre linje, med bru over Bjørnafjorden, mellom Stord og Os.
Det vart gjennomført KS1 av den første leveransen, og dei konkluderte med ferjefri løysing med bru mellom Tysnes og Os.
Last ned KVU rapport
