Rv. 15 Strynefjellet (KVU)

Konseptvalutgreiinga skal gje ei brei fagleg vurdering av interesser knytt til transportsystemet over Strynefjellet, inkl. arm til Geiranger.

Målet for arbeidet med konseptvalutgreiinga (KVU) har vore:

  • Å kartlegge behov knytt til transportsystemet i korridoren over Strynefjellet, inkl. arm til Geiranger. Transportsystemet for denne korridoren vil samtidig verte halde opp mot andre aktuelle aust-vest-samband for den trafikken det gjeld (E39 + E16/rv. 5–rv. 7, E134 o.a.).
  • Å avklare aktuelle konsept for transportsystemet i korridoren.
  • Å vurdere grad av måloppnåing for dei ulike konsepta.
  • Å gjere greie for transportmessige og samfunnsøkonomiske verknader av dei ulike konsepta.
Kart over Strynefjellet. Statens Vegvesen tilrådde Konsept B3. Samferdsledepartementet ba Statens vegvesen leggje Konsept B1 til grunn for vidare planlegging. © NVDB, Geovekst, kommunene og Open Street Map contributors (utenfor Norge)

Utgreiinga munna ut i ei avgjerd om val av løysing og kostnadsramme. Samferdsledepartementet skriv følgjande om sitt vedtak knytt til KVU og KS1:

  1. Konsept B1 blir lagt til grunn for videre planlegging av rv 15 over Strynefjellet.
  2. Det legges til grunn en økonomisk ramme for endringslogg på 4100 mill. 2018-kr.
  3. Prosjektet er ikke prioritert i NTP 2018-2029. Prosjektet vil måtte vurderes opp mot andre prosjekt ved kommende rulleringer av NTP.
  4. Prioritering av midler skjer gjennom de årlige budsjetter.
  5. Det skal legges til rette for eventuell tilkobling til fremtidig helårsvei til Geiranger. Slik arm til Geiranger vil ligge på fylkesveinettet. Prioritering av veien tilligger derfor fylkeskommunale myndigheter.
  6. Hensynet til verneområder og villrein skal ivaretas i planprosessen, bl.a. ved tidlig involvering av miljømyndighetene.

Desse hovudlinjene skal leggjast til grunn for vidare planlegging. Framdrift for planlegging vil bli avklara i samband med rullering av Nasjonal transportplan.

Kart som viser Konsept B1.
Kart over konsept B1. Samferdsledepartementet har bedt Statens Vegvesen leggje dette konseptet til grunn for vidare planlegging. Illustrasjon: Statens vegvesen
Kart over konsept B3
Kart over Konsept B3. Dette var konseptet Statens vegvesn tilrådde på lang sikt. Illustrasjon: Statens vegvesen

Bakgrunn

Formålet med prosjektet var å bygge ut rv.15 til full standard og sikre god regularitet heile året.

Statens vegvesen Region vest skulle utarbeide planprogrammet, medan Stryn og Skjåk kommune var ansvarleg planstyresmakt for arbeidet med kommunedelplanen og for konsekvensutgreiinga.

Planarbeidet hadde fokus spesielt på to område: 

  • Betre vinterregularitet: Spesielt viktig er det å sikre veg mot snøskred i Grasdalen.
  • Utbetring av tunnelane: Det er trong for ei sikkerheitsoppgradering og utviding av tunnelprofil.

Tiltak på begge dei nemnde

områda er kostbare, til saman har dei ein prislapp på fleire hundre millionar kroner.

Målet med planprosessen var å sjå tiltaka i samanheng, og også sjå på nye vegliner som alternativ til utbetring av eksisterande veg.

Ein endeleg kommunedelplan vart aldri vedteken. I mars 2010 fekk Vegdirektoratet i oppdrag frå Samferdsledepartementet å gjennomføre ei intern utgreiing, ei konseptvalutgreiing(KVU) for rv15 Strynefjellet.

Her skal strekninga sjåast i samanheng med KVUen på E39 Skei-Moa, og samspelet med andre aust-vest korridorar.

Arbeidet som vart lagt ned i kommunedelplanen vil inngå som ein del av materialet som skal vurderast i KVU for Rv 15 Strynefjellet.

Ei eventuell ferdigstilling av denne planen vil vere avhengig av kva konsept som vert vald i KVUen. 

Planområde
Planområde Illustrasjon: Statens vegvesen

Dokumenter

Sjå også

KVU