Rv. 15 Strynefjellet (KVU)
Konseptvalutgreiinga skal gje ei brei fagleg vurdering av interesser knytt til transportsystemet over Strynefjellet, inkl. arm til Geiranger.
Samfunnsmålet for KVU-en var: “Rv. 15 Strynefjellet skal etablerast som eit trygt og påliteleg heilårssamband som stettar næringslivet og innbyggarane sine behov for gods- og persontransport.”
Avklaring frå Samferdsledepartementet
Samferdsledepartementet bad i brev 26.06.2018 Statens vegvesen legge til grunn alternativ B1 av rv.15 over Strynefjellet og ber om at Vegdirektoratet følger opp saka i tråd med dette.
Det skulle leggast til rette for eventuell tilkopling til heilårsveg til Geiranger.
KVU-oppdraget
På oppdrag frå Samferdselsdepartementet laga Statens vegvesen «Tilleggsutgreiing KVU Strynefjellet datert 30. mars 2014. Utgreiinga var ei tilleggsutgreiing til «KVU rv. 15 Strynefjellet» datert 22. mars 2012. Metier/Møreforskning har med grunnlag i KVU’en levert KS1-evaluering 9.1.2013. 5. september 2014 og 14. juli 2015 ba Samferdselsdepartementet om ei revidert utgåve av tilleggsutgreiinga som inkluderer heilårsveg til Geiranger og alle identifiserte alternativ innafor konsept B.
Tilråding
I 2016 tilrådde Statens vegvesen at alternativ B1 blei lagt til grunn for det vidare arbeidet.
Bakgrunn for tilrådinga
Berre alternativ B1 og B2 tilfredsstiller mål/krav i tilleggsoppdraget frå februar 2014. B2 er dyrare, gir lenger veg for trafikantane og har dårlegare samfunnsøkonomi enn B1.Statens vegvesen tilrår difor at B1 blir valgt.
Kvalitetssikring (KS1)
KS1 vart gjennomført i 2013. I etterkant av denne gjennomførte Statens vegvesen tilleggsutgreiingar der fleire alternativ for B-konseptet vart vurdert, også i kombinasjon med 0-alternativet. Etter dette vart det ein ny KS1-gjennomgang. Ingen av alternativa var samfunnsøkonomisk lønsame, og KS1-konsulenten anbefalte vidare planlegging av 0++-alternativet.
Rapportar og dokument